سورة الشعراء - آیت 42

قَالَ نَعَمْ وَإِنَّكُمْ إِذًا لَّمِنَ الْمُقَرَّبِينَ

ترجمہ تیسیر القرآن - مولانا عبدالرحمن کیلانی صاحب

فرعون نے جواب دیا : ’’ہاں (صلہ بھی ملے گا) اور تمہیں (ہمارے ہاں) کرسیاں بھی ملیں [٣٢] گی۔‘‘

تسہیل البیان فی تفسیر القرآن - ام عمران شکیلہ بنت میاں فضل حسین

فرعون کی اس وقت جان پر بنی ہوئی تھی جادوگروں کے سوال پر فوراً کہنے لگا۔ محض انعام واکرام کی کیا بات ہے اگر تم کامیاب ہوگئے تو انعام واکرام کے علاوہ میں تمہیں بلند مناصب بھی دوں گا اور تم میرے مقربین میں سے ہوگے۔