سورة الفرقان

قُلْ مَا أَسْأَلُكُمْ عَلَيْهِ مِنْ أَجْرٍ إِلَّا مَن شَاءَ أَن يَتَّخِذَ إِلَىٰ رَبِّهِ سَبِيلًا

آپ ان سے کہئے : کہ میں اس (تبلیغ) پر تم سے کوئی اجرت نہیں مانگتا۔ میری اجرت بس یہی ہے کہ جس کا جی چاہے اپنے پروردگار کا راستہ اختیار کرے۔[٧٠]

اللہ تعالیٰ اپنے پیغمبر صلی اللہ علیہ وسلم سے فرماتے ہیں کہ آپ عام طور پر لوگوں میں اعلان کر دیجئے میں اپنی تبلیغ کا معاوضہ تم سے نہیں لیتا۔ میرا ارادہ صرف اللہ کی رضا مندی کی تلاش ہے، اس کے سوا اور کچھ نہیں۔ میں صرف یہ چاہتا ہوں کہ تم میں سے جو راہ راست پر آنا چاہے اسے صحیح راستے کی راہنمائی کر دوں کہ میرا اجر یہی ہے۔