سورة النور

لِيَجْزِيَهُمُ اللَّهُ أَحْسَنَ مَا عَمِلُوا وَيَزِيدَهُم مِّن فَضْلِهِ ۗ وَاللَّهُ يَرْزُقُ مَن يَشَاءُ بِغَيْرِ حِسَابٍ

(اور وہ لوگ یہ سب کچھ اس لئے کرتے ہیں کہ) جو عمل وہ کرتے رہے ہیں اللہ انھیں ان کا بہتر بدلہ اور اپنے فضل سے [٦٤] زیادہ بھی دے اور اللہ جسے چاہتا ہے بغیر حساب کے رزق عطا کرتا ہے۔

یہ لوگ تو اس توقع پر یہ سارے کام کرتے ہیں کہ اللہ کے ہاں اپنے ان اعمال کا بہتر بدلہ ملے جو یقینا انھیں مل جائے گا۔ اللہ صرف ان کے اعمال کا بہتر بدلہ ہی نہ دیں گے بلکہ اس کے علاوہ انھیں ایسی ایسی نعمتوں سے نوازیں گے جو اس وقت ان کے خیال میں بھی نہیں آ سکتیں۔ کیونکہ اللہ تعالیٰ جس سے راضی اور خوش ہو جائیں تو اللہ کے ہاں کسی چیز کی کمی ہے جو اسے نہ دے گا۔