سورة المؤمنون

وَقُل رَّبِّ اغْفِرْ وَارْحَمْ وَأَنتَ خَيْرُ الرَّاحِمِينَ

اور آپ اللہ سے دعا کیجئے کہ'': اے میرے پروردگار! مجھے بخش دے [١١٠] اور مجھ پر رحم فرما اور تو ہی سب رحم کرنے والوں سے اچھا رحم کرنے والا ہے''

دعا کی تعلیم دی جا رہی ہے: اوپر اسی سورہ کی آیت نمبر (۱۰۹) میں ذکر ہوا ہے کہ جب میرے بندے مجھ سے مغفرت اور رحم کی دعا کرتے تھے تو کافر ان کا مذاق اڑاتے تھے، ان کا انجام بتانے کے بعد پیغمبر اسلام اور مسلمانوں کو یہ ہدایت دی جا رہی ہے کہ وہ ہر حال میں اللہ سے رحم اور مغفرت کی دعا مانگتے رہا کریں اور اللہ چونکہ سب سے بڑھ کر اور سب پر رحم کرنے والا ہے لہٰذا تمہیں یقین رکھنا چاہیے کہ وہ تم پر رحم کرتے ہوئے تمہاری تقصیرات اور تمہاری خطاؤں کو معاف فرما دے گا۔ (آمین) الحمد للہ سورۂ مومنون کی تفسیر ختم ہوئی