سورة المؤمنون - آیت 19

فَأَنشَأْنَا لَكُم بِهِ جَنَّاتٍ مِّن نَّخِيلٍ وَأَعْنَابٍ لَّكُمْ فِيهَا فَوَاكِهُ كَثِيرَةٌ وَمِنْهَا تَأْكُلُونَ

ترجمہ تیسیرالقرآن - مولانا عبد الرحمن کیلانی

پھر ہم نے اس پانی سے کھجوروں اور انگوروں کے باغ پیدا کئے ہیں جن سے تمہیں بہت سے پھل حاصل ہوتے ہیں اور انھیں [٢٢] تم کھاتے ہو۔

تسہیل البیان فی تفسیر القرآن - ام عمران شکیلہ بنت میاں فضل حسین

آسمانی بارش سے رب العالمین تمہارے لیے روزیاں اگاتا ہے۔ لہلہاتے ہوئے کھیت ہیں، کہیں سر سبز باغ ہیں جو خوشنما اور خوش منظر ہونے کے علاوہ مفید اور فیض والے ہیں کھجور اور انگور اور اسی طرح کے میوے اس نے پیدا کر دئیے ہیں جن سے تم لطف اندوز ہوتے ہو اور کچھ کھاتے ہو۔