سورة الحج - آیت 38

إِنَّ اللَّهَ يُدَافِعُ عَنِ الَّذِينَ آمَنُوا ۗ إِنَّ اللَّهَ لَا يُحِبُّ كُلَّ خَوَّانٍ كَفُورٍ

ترجمہ تیسیرالقرآن - مولانا عبد الرحمن کیلانی

جو لوگ ایمان لائے ہیں بلاشبہ اللہ تعالیٰ ان کی طرف سے (دشمنوں کی) مدافعت کرتا ہے۔ یقینا اللہ کسی خائن اور ناشکرے [٦٤] کو پسند نہیں کرتا۔

تسہیل البیان فی تفسیر القرآن - ام عمران شکیلہ بنت میاں فضل حسین

اللہ تعالیٰ اپنی طرف سے خبر دے رہا ہے کہ جو اس کے بندے اس پر بھروسہ رکھیں، اسی کی طرف جھکتے رہیں، انھیں وہ اپنی امان نصیب فرماتا ہے شریروں کی برائیاں اور دشمنوں کی بدیاں خود ہی ان سے دور کر دیتا ہے، ان پر اپنی مدد نازل فرماتا ہے، انھیں اپنی حفاظت میں رکھتا ہے ارشاد باری تعالیٰ ہے: ﴿اَلَيْسَ اللّٰهُ بِكَافٍ عَبْدَهٗ﴾(الزمر: ۳۶) ’’کیا اللہ اپنے بندے کو کافی نہیں۔‘‘