سورة مريم - آیت 15

وَسَلَامٌ عَلَيْهِ يَوْمَ وُلِدَ وَيَوْمَ يَمُوتُ وَيَوْمَ يُبْعَثُ حَيًّا

ترجمہ تیسیر القرآن - مولانا عبدالرحمن کیلانی صاحب

اس دن پر سلامتی ہو جس دن بھی وہ پیدا ہوئے اور اس دن بھی جب [١٦] وہ مریں گے اور اس دن بھی جب دوبارہ زندہ اٹھایا جائے گا۔

تسہیل البیان فی تفسیر القرآن - ام عمران شکیلہ بنت میاں فضل حسین

تین مواقع انسان کے لیے سخت وحشت ناک ہوتے ہیں (۱) جب انسان رحم مادر سے باہر آتا ہے۔ (۲)جب موت کا شکنجہ اسے اپنی گرفت میں لیتا ہے۔ (۳)اور جب اسے قبر سے زندہ کرکے اُٹھایا جائے گا تو وہ اپنے کو میدان حشر کی ہولناکیوں میں گھرا ہوا پائے گا۔ اللہ تعالیٰ نے فرمایا کہ حضرت یحییٰ علیہ السلام کے لیے ان تینوں جگہوں میں ہماری طرف سے سلامتی اور امان ہے۔