سورة الإسراء

أَفَأَمِنتُمْ أَن يَخْسِفَ بِكُمْ جَانِبَ الْبَرِّ أَوْ يُرْسِلَ عَلَيْكُمْ حَاصِبًا ثُمَّ لَا تَجِدُوا لَكُمْ وَكِيلًا

کیا تم اس بات سے بے خوف ہوگئے ہو کہ وہ تمہیں خشکی پر ہی (زمین میں) دھنسا دے یا تم پر (ایسی آندھی) بھیج دے جس میں پتھر ہوں۔ پھر تمہیں اپنے لئے کوئی کارساز بھی نہ ملے۔

اللہ کی گرفت کی صورتیں: اللہ رب العالمین لوگوں کو ڈرا رہا ہے کہ جو تری میں تمھیں ڈبو سکتا تھا، وہ سمندر سے باہر خشکی پر بھی تم پر عذاب نازل کر سکتا ہے۔ اور وہ یہ بھی کر سکتا ہے کہ زمین شق ہو جائے اور وہ تمھیں اس میں ایسے غرق کر دے کہ کسی کو پتا تک نہ چل سکے۔ اور وہ تم پر کنکروں اور سنگریزوں والی تندو تیز آندھی کا طوفان بھیج کر تمھیں ہلاک کر دے جیسے قوم لوط کے ساتھ ہوا تھا۔