سورة الإسراء

وَإِن مِّن قَرْيَةٍ إِلَّا نَحْنُ مُهْلِكُوهَا قَبْلَ يَوْمِ الْقِيَامَةِ أَوْ مُعَذِّبُوهَا عَذَابًا شَدِيدًا ۚ كَانَ ذَٰلِكَ فِي الْكِتَابِ مَسْطُورًا

کوئی بستی ایسی نہیں جسے ہم قیامت سے پہلے ہلاک نہ کردیں یا سخت عذاب [٧٢] نہ دیں۔ یہ بات کتاب میں لکھی جاچکی ہے۔

کتاب سے مراد لوح محفوظ ہے۔ مطلب یہ ہے کہ اللہ تعالیٰ کی طرف سے یہ بات طے شدہ ہے اور لوح محفوظ میں لکھی ہوئی ہے کہ ہم کافروں کی ہر بستی کو یاتو موت کے ذریعے سے ہلاک کر دیں گے یعنی ان کے باشندگان کی ہلاکت کی وجہ ان کا کفر و شرک اور ظلم و سرکشی ہو گی اور چونکہ قیامت آنے سے پہلے نیک لوگوں کو اُٹھا لیا جائے گااور قیامت شرار الناس پر قائم ہو گی، لہٰذا قیامت کو یہ نظام کائنات درہم برہم کرنے سے پیشتر ایسی شریر بستیوں کو پہلے عذاب سے ہلاک کیا جائے گا پھر قیامت قائم ہو گی۔