سورة الإسراء

وَلَقَدْ صَرَّفْنَا فِي هَٰذَا الْقُرْآنِ لِيَذَّكَّرُوا وَمَا يَزِيدُهُمْ إِلَّا نُفُورًا

ہم نے اس قرآن میں (حقائق کو) مختلف طریقوں سے بیان کیا تاکہ لوگ کچھ ہوش کریں مگر ان میں نفرت [٥١] ہی بڑھتی گئی

دلائل کے ساتھ ہدایت: اس پاک کتاب میں تمام مثالیں کھول کھول کر بیان فرما دی ہیں۔ وعظ و نصیحت، دلائل و بینات، ترغیب وترہیب، امثال واقعات ہر طریقے سے بار بار سمجھایا گیا لیکن وہ کفر و شرک کی تاریکیوں میں اس طرح پھنسے ہوئے ہیں کہ وہ حق سے قریب ہونے کی بجائے اس سے اور زیادہ دور ہو گئے ہیں۔ اس لیے کہ وہ یہ سمجھتے ہیں کہ قرآن کہانت، جادو اور شاعری ہے، پھر وہ اس قرآن سے کس طرح راہ یاب ہوں گے؟ کیونکہ قرآن کی مثال بارش کی سی ہے کہ اچھی زمین پر پڑے تو وہ بارش سے شاداب ہو جاتی ہے۔ اور اگر وہ زمین گندی ہے تو بارش سے بدبو میں اضافہ ہو جاتا ہے۔