سورة یوسف - آیت 104

وَمَا تَسْأَلُهُمْ عَلَيْهِ مِنْ أَجْرٍ ۚ إِنْ هُوَ إِلَّا ذِكْرٌ لِّلْعَالَمِينَ

آپ اس (تبلیغ) پر ان سے کچھ بھی نہیں مانگتے یہ تو تمام [٩٩] اہل عالم کے لئے نصیحت ہے

کفار کی ہٹ دھرمی: یعنی آپ جو کچھ بھی جفا کشی کر رہے ہیں مخلوق خدا کو خدا کی راہ دکھا رہے ہیں۔ اب اگر یہ لوگ نہیں مانتے تو نہ مانیں۔ یہ قرآن صرف ان کے لیے نہیں بلکہ تمام اہل عالم کے لیے نصیحت ہے۔ انھیں نہیں تو اور لوگوں کو اس سے ایمان نصیب ہو جائے گا۔ پھر اگر یہ نہیں مانتے تو آپ کا اس میں کچھ نقصان بھی نہیں آپ ان سے کچھ معاوضہ تھوڑے مانگ رہے تھے جو یہ بند کر دیں گے۔