سورة یوسف - آیت 62

وَقَالَ لِفِتْيَانِهِ اجْعَلُوا بِضَاعَتَهُمْ فِي رِحَالِهِمْ لَعَلَّهُمْ يَعْرِفُونَهَا إِذَا انقَلَبُوا إِلَىٰ أَهْلِهِمْ لَعَلَّهُمْ يَرْجِعُونَ

ترجمہ تیسیر القرآن - مولانا عبدالرحمن کیلانی صاحب

اور یوسف نے اپنے خادموں سے کہا کہ : ’’ان کی پونجی ان کی کھرجیوں [٦٠] میں ہی رکھ دو تاکہ جب وہ اپنے گھروں میں پہنچیں تو اسے پہچان لیں اور شائد (اسی طرح وہ جلد) دوبارہ یہاں آئیں‘‘

تسہیل البیان فی تفسیر القرآن - ام عمران شکیلہ بنت میاں فضل حسین

حضرت یوسف علیہ السلام نے بھائیوں کی اچھی طرح مہمان نوازی کی اور اپنے خادموں کو یہ اشارہ بھی کر دیا کہ جو رقم غلہ کی قیمت میں ان سے وصول کی گئی ہے وہ بھی ان کے غلہ میں واپس رکھ دی جائے۔ اور یہ کام انھوں نے اس غرض سے کیا کہ ممکن ہے انھیں دوبارہ آنے کے لیے رقم میسر نہ ہو اور وہ آہی نہ سکیں یا بڑی دیر بعد میسر ہو اور اس صورت میں بڑی دیر بعد میرے بھائی بنیامین کو ساتھ لے کر آئیں۔