سورة البقرة - آیت 8

وَمِنَ النَّاسِ مَن يَقُولُ آمَنَّا بِاللَّهِ وَبِالْيَوْمِ الْآخِرِ وَمَا هُم بِمُؤْمِنِينَ

ترجمہ تیسیر القرآن - مولانا عبدالرحمن کیلانی صاحب

اور لوگوں میں سے کچھ ایسے بھی ہیں جو (زبان سے تو) کہتے ہیں کہ ’’ہم اللہ پر اور آخرت کے دن پر ایمان لائے ہیں۔‘‘ حالانکہ وہ مومن نہیں ہیں

تسہیل البیان فی تفسیر القرآن - ام عمران شکیلہ بنت میاں فضل حسین

یہاں سے كافروں كے تیسرے گروہ كا بیان شروع ہوتا ہے اور یہ منافقین ہیں یعنی یہ لوگ اپنے آپ کو اس غلط فہمی میں مبتلا کررہے ہیں کہ ان کی یہ منافقانہ روش ان کے لیے مفید ہوگی۔ حالانکہ یہ انھیں دنیا میں بھی نقصان پہنچائے گی اور آخرت میں بھی ۔