سورة ھود - آیت 95

كَأَن لَّمْ يَغْنَوْا فِيهَا ۗ أَلَا بُعْدًا لِّمَدْيَنَ كَمَا بَعِدَتْ ثَمُودُ

ترجمہ تیسیرالقرآن - مولانا عبد الرحمن کیلانی

جیسے وہ وہاں کبھی آباد ہی نہ ہوئے تھے۔ دیکھو! اہل مدین پر بھی ایسے ہی پھٹکار پڑی جیسے قوم ثمود پر پڑی تھی

تسہیل البیان فی تفسیر القرآن - ام عمران شکیلہ بنت میاں فضل حسین

قوم مدین پر ایسی پھٹکار پڑی جیسے ان سے پہلے قوم ثمود پر پڑی تھی۔ یہ دونوں قومیں اللہ کی لعنت کی مستحق بنیں۔ اہل ثمود ان کے پڑوسی تھے اور گناہ اور بدامنی میں انھی جیسے تھے اور یہ دونوں قومیں عرب سے ہی تعلق رکھتی تھیں۔ لعنت یعنی پھٹکار سے مراد اللہ کی رحمت سے محرومی اور دوری ہے۔