سورة ھود - آیت 72

قَالَتْ يَا وَيْلَتَىٰ أَأَلِدُ وَأَنَا عَجُوزٌ وَهَٰذَا بَعْلِي شَيْخًا ۖ إِنَّ هَٰذَا لَشَيْءٌ عَجِيبٌ

ترجمہ تیسیرالقرآن - مولانا عبد الرحمن کیلانی

وہ بولی : ''اے ہے! کیا میں بچہ جنوں گی جبکہ میں خود بھی بڑھیا ہوں اور یہ میرا خاوند بھی بوڑھا ہے [٨٣] یہ تو بڑی عجیب بات ہوگی

تسہیل البیان فی تفسیر القرآن - ام عمران شکیلہ بنت میاں فضل حسین

بچے کی بشارت سن کر حضرت سارہ علیہ السلام نے بھی عورتوں کی عام عادت کے مطابق تعجب کیا کہ ہم دونوں میاں بیوی بوڑھے ہو چکے اس بوڑھاپے میں اولاد کیسی؟