یعنی وہ لوگ جو مصیبت کے وقت مایوس اور دل برداشتہ نہ ہوں بلکہ صبر واستقلال سے اسے برداشت کریں اور کسی خوشی کے موقع پر آپے سے باہر نہ ہوں بلکہ اپنے آپ کو قابو میں رکھیں اورہر حال میں اللہ کا شکر بجا لائیں۔ ایسے ہی لوگ صبر پر مغفرت اور نیکی پر اجر پاتے ہیں چنانچہ ایک حدیث میں ہے ’’اس ذات کی قسم! جس کے ہاتھ میں میری جان ہے کہ مومن کو کوئی سختی، کوئی دُکھ، کوئی مصیبت، کوئی غم ایسا نہیں پہنچتا جس کی وجہ سے اللہ اس کی خطائیں معاف نہیں فرماتا یہاں تک کہ کانٹا لگنے پر بھی۔ (بخاری: ۵۶۴۰)