سورة یونس - آیت 78

قَالُوا أَجِئْتَنَا لِتَلْفِتَنَا عَمَّا وَجَدْنَا عَلَيْهِ آبَاءَنَا وَتَكُونَ لَكُمَا الْكِبْرِيَاءُ فِي الْأَرْضِ وَمَا نَحْنُ لَكُمَا بِمُؤْمِنِينَ

وہ کہنے لگے : کیا تم ہمارے پاس اس لیے آئے ہو کہ ہمیں اس طریقہ سے پھیر دو جس پر ہم نے اپنے آباء و اجداد کو پایا ہے اور ملک میں تم دونوں کی بڑائی قائم ہوجائے؟ ہم تو تمہاری بات [٩١] ماننے والے نہیں

یہ منکرین حق کی کٹ حجتیاں ہیں جو وہ دلائل سے عاجز آکر پیش کرتے ہیں۔ ایک یہ کہ تم ہمیں اپنے آباء و اجداد کے راستے سے ہٹانا چاہتے ہو۔ دوسرا یہ کہ تم ہم سے ہمارا ملک چھین کر خود مالک بننا چاہتے ہو۔ اس لیے ہم تو کبھی تم پر ایمان نہیں لائیں گے۔