سورة یونس - آیت 52

ثُمَّ قِيلَ لِلَّذِينَ ظَلَمُوا ذُوقُوا عَذَابَ الْخُلْدِ هَلْ تُجْزَوْنَ إِلَّا بِمَا كُنتُمْ تَكْسِبُونَ

پھر ظالموں سے کہا جائے گا کہ ابدی عذاب کا مزا چکھو۔ یہ تمہیں انہی کاموں کا بدلہ دیا جاتا ہے جو تم کرتے رہے

قیامت کے دن کافروں سے کہا جائے گا کہ اب عذاب دائمی کا مزا چکھو، ہمیشہ کی مصیبت اٹھاؤ۔ جیسے تم نہیں مانتے تھے اب بتاؤ کہ یہ جادوہے یاتم اندھے ہو، جاؤ اب جہنم میں چلے جاؤ پھر انھیں دھکے دے دے کر جہنم میں جھونک دیا جائے گا۔ اور تم اپنے اعمال کا بدلہ ضرور پاؤ گے۔