سورة یونس - آیت 10

دَعْوَاهُمْ فِيهَا سُبْحَانَكَ اللَّهُمَّ وَتَحِيَّتُهُمْ فِيهَا سَلَامٌ ۚ وَآخِرُ دَعْوَاهُمْ أَنِ الْحَمْدُ لِلَّهِ رَبِّ الْعَالَمِينَ

ترجمہ تیسیرالقرآن - مولانا عبد الرحمن کیلانی

وہاں ان کی پکار یہ ہوگی ''اے اللہ [١٤] تو پاک ہے'' اور ان کی آپس میں دعا [١٥] ہوگی ''تم پر سلامتی ہو'' اور ان کا خاتمہ کلام یہ ہوگا کہ ''سب طرح کی تعریف [١٦] اس اللہ کے لئے ہے جو سب جہانوں کا پروردگار ہے

تسہیل البیان فی تفسیر القرآن - ام عمران شکیلہ بنت میاں فضل حسین

خاتمہ کلام۔ سب طرح کی تعریف اللہ کے لیے ہے۔ جب اہل جنت کی خواہش کی اشیاء انھیں مہیا کر دی جائیں گی اور وہ ان سے استفادہ کر لیں گے۔ اور آپس میں محو گفتگو ہوں گے تو ان کا آپس میں تحفہ بھی سلام ہوگا وہاں کوئی لغو بات کانوں میں نہ پڑے گی درو دیوار سے سلامتی کی آوازیں آتی رہیں گی۔ (تیسیر القرآن)