إِنَّ وَلِيِّيَ اللَّهُ الَّذِي نَزَّلَ الْكِتَابَ ۖ وَهُوَ يَتَوَلَّى الصَّالِحِينَ
میرا تو سرپرست وہ اللہ ہے جس نے یہ کتاب نازل کی ہے اور وہی نیک آدمیوں کی سرپرستی [١٩٥] فرماتا ہے
جب میرا سر پرست اور کار ساز اللہ ہے، جس نے یہ قرآن نازل کیا تو پھر مجھے تمہارے معبودو ں سے نقصان پہنچنے کا کیا خطرہ ہو سکتا ہے، حقیقت یہ ہے کہ یہ بات صرف مجھی پر منحصر نہیں، اللہ اپنے سب نیک بندوں کی سرپرستی فرماتا ہے، اوراللہ کی یہ سر پرستی کیا کم ہے کہ اس نے قرآن جیسی بابرکت کتاب ہمارے لیے نازل فرمائی جو زندگی کے ہر پہلو میں ہماری راہنمائی کرتی ہے۔ اللہ حمایت کیسے کرتا ہے: نیکی کرنے کی توفیق اللہ ہی دیتا ہے،اسلام کے راستے پر چلنے کی توفیق دیتا ہے،اور مدد بھی کر تا ہے، یہ بھی اللہ کی تو فیق اور مدد ہے کہ وہ مہلت دیتا ہے منہ موڑ نے والے اسکے راستے پر پلٹ آئیں ۔