سورة الاعراف

وَإِن كَانَ طَائِفَةٌ مِّنكُمْ آمَنُوا بِالَّذِي أُرْسِلْتُ بِهِ وَطَائِفَةٌ لَّمْ يُؤْمِنُوا فَاصْبِرُوا حَتَّىٰ يَحْكُمَ اللَّهُ بَيْنَنَا ۚ وَهُوَ خَيْرُ الْحَاكِمِينَ

اور اگر تم میں سے ایک فریق ایسا ہے کہ جو کچھ مجھے دے کر بھیجا گیا ہے، اس پر ایمان لے آیا اور دوسرا فریق ایمان نہیں لایا تو صبر کرو (٩٢۔ الف) تاآنکہ اللہ ہمارے درمیان فیصلہ کردے اور وہی سب سے بہتر فیصلہ کرنے والا ہے

ایک گروہ ایمان لے آیا اور ایک گروہ نے کفر کیا۔ شعیب علیہ السلام نے اپنی قوم سے کہا کہ اب تم خود دیکھ لو گے کہ اللہ کی مدد کس کا ساتھ دیتی ہے۔ اور کون اللہ کی نظروں سے گرجاتا ہے۔ تم سب اللہ کے فیصلے کے منتظر رہو وہ فیصلہ کرنے والوں میں سب سے اچھا اور سچا فیصلہ کرنے والا ہے تم دیکھو گے کہ اللہ والے بامراد ہونگے اور اللہ کے دشمن نامراد ہوں گے۔