سورة الأحزاب - آیت 69

يَا أَيُّهَا الَّذِينَ آمَنُوا لَا تَكُونُوا كَالَّذِينَ آذَوْا مُوسَىٰ فَبَرَّأَهُ اللَّهُ مِمَّا قَالُوا ۚ وَكَانَ عِندَ اللَّهِ وَجِيهًا

ترجمہ تیسیر القرآن - مولانا عبدالرحمن کیلانی صاحب

اے ایمان والو! ان لوگوں کی طرح نہ ہوجانا جنہوں [١٠٧] نے موسیٰ کو اذیت پہنچائی تھی۔ پھر اللہ نے موسیٰ کو ان کی بنائی ہوئی باتوں سے بری کردیا اور وہ اللہ کے ہاں بڑی عزت [١٠٨] والے تھے۔

تفسیر ترجمان القرآن - مولانا ابوالکلام آزاد

(١٤) آنحضرت سے عموما منافقین اور کفار سوال کرتے کہ قیامت کب بپا ہوگی؟ وہ یہ سوال بطور استہزا کرتے ان کے جواب میں اللہ تعالیٰ نے تنبیہ فرمائی اور قیامت کے دن کا منظر پیش کردیا، اور پھر مسلمانوں کو متنبہ کیا کہ تم نبی (صلی اللہ علیہ وآلہ وسلم) سے ایسا طرز عمل اختیار نہ کرو جیسا کہ یہود نے حضرت موسیٰ سے اختیا کیا تھا۔