سورة الروم - آیت 13

وَلَمْ يَكُن لَّهُم مِّن شُرَكَائِهِمْ شُفَعَاءُ وَكَانُوا بِشُرَكَائِهِمْ كَافِرِينَ

ترجمہ تیسیرالقرآن - مولانا عبد الرحمن کیلانی

اور ان کے شریکوں میں کوئی بھی ان کا سفارشی نہ بنے گا اور وہ خود بھی اپنے شریکوں [١٢] کے منکر ہوجائیں گے

تفسیر ترجمان القرآن - مولانا ابوالکلام آزاد

(٤) آیت نمبر ١٢، ١٣ میں صراحت کے ساتھ فرمادیا ہے کہ آج جو لوگ رسولوں کی تعلیم وہدایت کو قبول کرنے سے انکار کررہے ہیں اور آخرت کی جواب دہی کے منکر ہورہے ہیں قیامت کے دن جب ان پر گرفت ہوگی تو یہ حواس باختہ ہوجائیں گے اور ان کے پاس کوئی جواب نہیں ہوگا جن چیزوں کو یہ اللہ کے شریک ٹھہرارہے ہیں قیامت کے دن ان کی عبادت کا انکار کریں گے۔