قَالُوا يَا هُودُ مَا جِئْتَنَا بِبَيِّنَةٍ وَمَا نَحْنُ بِتَارِكِي آلِهَتِنَا عَن قَوْلِكَ وَمَا نَحْنُ لَكَ بِمُؤْمِنِينَ
وہ کہنے لگے : ’’ہود ! تو ہمارے پاس کوئی صریح معجزہ تو لایا [٦٠] نہیں اور محض تیری باتوں سے ہم اپنے معبودوں کو چھوڑ نہیں سکتے اور نہ ہی تجھ پر ایمان لاسکتے ہیں
حضرت ہود نے کہا تم کہتے ہو تمہارے معبودوں کی مجھ پر مار ہے، میں اعلان کرتا ہوں کہ مجھے تمہارے معبودوں سے کوئی سروکار نہیں، اب تم اور تمہارے معبود جو کچھ میرے خلاف کرسکتے ہو کر دیکھیں، تمہارا بھروسہ ان معبودوں پر ہے، میرا اللہ پر ہے جو میرا اور تمہارا سب کا پروردگار ہے۔ میرا کام تبلیغ حق تھا، میں نے کردیا، اب اگر سچائی کی طرف سے تم نے رخ پھیر ہی لیا ہے تو جان لو کہ قانون الہی کے مطابق تمہاری جگہ کسی دوسری قوم کو مل جائے گی اور تم ہلاکت سے دور چار ہوگے۔ چنانچہ ایسا ہی ہوا، مومنوں نے نجات پائی۔ سرکش ہلاک ہوئے۔