سورة الأعلى - آیت 7

إِلَّا مَا شَاءَ اللَّهُ ۚ إِنَّهُ يَعْلَمُ الْجَهْرَ وَمَا يَخْفَىٰ

ترجمہ تیسیرالقرآن - مولانا عبد الرحمن کیلانی

بجز اس کے جو [٦] اللہ چاہے، وہ ظاہر کو بھی جانتا ہے اور پوشیدہ بھی

تفسیرسراج البیان - محممد حنیف ندوی

سورۃ الاعلیٰ (ف 1) ﴿سَنُقْرِئُكَ فَلَا تَنْسَى ﴾میں اس چیز کی طرف اشارہ ہے کہ پیغمبر کا دماغ خدا کی جانب سے محفوظ ہوتا ہے اور جہاں تک شرعیات کا تعلق ہے ، اس پر کبھی سہو ونسیان کی کیفیتیں طاری نہیں ہوتیں ۔ ﴿إِلَّا مَا شَاءَ اللَّهُ﴾ کا استثناء تائید کے لئے ہے ۔ یعنی خدا کو یہ منظور نہ ہو کہ پیغمبر (ﷺ) تعلیمات کو بھول جائے ۔ ورنہ دوسری قوت ایسی نہیں جو ذہن پیغمبر پر غالب آسکے ۔