سورة الملك - آیت 30

قُلْ أَرَأَيْتُمْ إِنْ أَصْبَحَ مَاؤُكُمْ غَوْرًا فَمَن يَأْتِيكُم بِمَاءٍ مَّعِينٍ

ترجمہ تیسیرالقرآن - مولانا عبد الرحمن کیلانی

آپ ان سے پوچھئے : ''بھلا دیکھو! اگر تمہارا پانی گہرائیوں میں اتر جائے تو کون ہے جو تمہیں نتھرا [٣٣] پانی لا کر دے گا ؟''

تفسیرسراج البیان - محممد حنیف ندوی

(ف 1) یہ پانی اسکا کتنا بڑا انعام ہے کہ زندگی کے لوازم میں سے اولین اس کا شمار ہے ۔ اگر تم کو نہ ملے سوتے خشک ہوجائیں کنوئیں اتنے عمیق ہوجائیں کہ پانی کی بوند بھی حاصل کرنا دشوار ہو تو بتاؤپھر کیا تمہارے معبودان باطل تمہاری کوئی مدد کرسکتے ہیں ۔ اگر جواب نفی میں ہے اور یقینا نفی میں ہے تو اٹھو اور اظہار تشکر میں اس کے سامنے جھک جاؤ۔ حل لغات: غَوْرًا۔ گہرا ۔ عمیق ۔ مَعِينٍ۔ آب رواں ۔