سورة الرحمن - آیت 60

هَلْ جَزَاءُ الْإِحْسَانِ إِلَّا الْإِحْسَانُ

ترجمہ تیسیر القرآن - مولانا عبدالرحمن کیلانی صاحب

کیا احسان کا بدلہ احسان کے سوا کچھ اور بھی ہوسکتا ہے؟

تفسیر سراج البیان - مولانا حنیف ندوی

ف 2: جنت کا نتیجہ ہے ۔ احسان کا ۔ یعنی خلوص کا ، فددیت کا ۔ اور ایثار کا ۔ جب بندے اس کی رضا کے لئے اپنی تمام آسودگیوں کو چھوڑ دیں گے ۔ اور آرام اور راحت کو ترک کردیں گے ۔ تو آقا بھی ان کے لئے ہر نوع کے سامان عیش کو مہیا کریگا ۔ اور ان کو خوش رکھے گا اور بتائے گا ۔ کہ اس پربھروسہ کرنا بالکل جائز اور درست ہے *۔