سورة الرحمن - آیت 58

كَأَنَّهُنَّ الْيَاقُوتُ وَالْمَرْجَانُ

ترجمہ تیسیرالقرآن - مولانا عبد الرحمن کیلانی

وہ ایسے ہوں گی جیسے ہیرے [٣٧] اور مرجان

تفسیرسراج البیان - محممد حنیف ندوی

جنت کی عورتیں (ف 1) یعنی وہاں جن عورتوں کی رفاقت نصیب ہوگی وہ اتنی باحیا اور با عصمت ہوں گی کہ ان کی نگاہیں صرف اپنے خاوندوں تک محدود رہیں گی وہ دوسروں کو پیارومحبت کی نظروں سے نہ دیکھیں گی اور نہ دوسروں کو چاہیں گی ۔ یہ ان حوران جنت کی تعریف بھی ہے ۔ اور نسوانی سیرت کا صحیح معیار بھی یعنی ایک عورت کی سچی تعریف یہ نہیں ہے کہ اس کا حسن دلفریب ہو ۔ بلکہ اس کی محبت صرف خاوند کے دل تک محدود ہو اور وہ اپنی اداؤں کے ساتھ صرف اپنے آقا کی نظروں میں محبوب ہو ۔ یاقوت ومرجان کیساتھ تشبیہ دینے کے معنی یہ ہیں کہ وہ تندرست اور خوبصورت ہونگی اور سرخ وسفید رنگ والی ہوں گی ۔