سورة النجم

فَكَانَ قَابَ قَوْسَيْنِ أَوْ أَدْنَىٰ

پھر دو کمانوں کا یا اس سے کم فاصلہ رہ گیا [٥]

حل لغات: قَابَ۔ انداز۔ قَوْسَيْنِ۔ کمانیں۔ عربوں میں قاعدہ تھا کہ جب دو بڑے آدمی آپس میں معاہدہ کرتے تو وہ اپنی کمانوں کو ایک دوسرے کی طرف بڑھاتے اور قریب کرتے تاآنکہ باہوں سے باہیں مل جاتیں اور وہ اس کو مبایعہ کے لفظ سے تعبیر کرتے ۔ مقصد یہ ہے کہ کچھ جبرائیل عالم بشریت کے قریب ہوئے اور کچھ حضور (ﷺ) بشریت سے ملکوتیت کی طرف بڑھے اور ان دونوں میں بس اتنا فاصلہ رہ گیا جتنا کہ عام طور پر دو گفتگو ئے مصالحت کرنے والوں میں رہ جاتا ہے ۔