سورة یونس - آیت 10
دَعْوَاهُمْ فِيهَا سُبْحَانَكَ اللَّهُمَّ وَتَحِيَّتُهُمْ فِيهَا سَلَامٌ ۚ وَآخِرُ دَعْوَاهُمْ أَنِ الْحَمْدُ لِلَّهِ رَبِّ الْعَالَمِينَ
ترجمہ تیسیر القرآن - مولانا عبدالرحمن کیلانی صاحب
وہاں ان کی پکار یہ ہوگی ’’اے اللہ [١٤] تو پاک ہے‘‘اور ان کی آپس میں دعا [١٥] ہوگی ’’تم پر سلامتی ہو‘‘ اور ان کا خاتمہ کلام یہ ہوگا کہ’’سب طرح کی تعریف [١٦] اس اللہ کے لئے ہے جو سب جہانوں کا پروردگار ہے‘‘
تفسیر سراج البیان - مولانا حنیف ندوی
(ف ١) یعنی صالحین کی اخروی زندگی اس درجہ کامل ، خوش گوار اور راحت افزا ہوگی کہ وہ بالآخر حمد وستائش کرنے لگیں گے ، اور کہنے لگیں گے کہ اللہ یہ تیری ربوبیت کا کرشمہ ہے اور انسان کہاں اور یہ رتبہ والی کہاں ؟ حل لغات : حمیم : گرم پانی ۔ تحیتھم : تحفہ ملاقات ، سلام ۔