سورة الإنسان - آیت 1

هَلْ أَتَىٰ عَلَى الْإِنسَانِ حِينٌ مِّنَ الدَّهْرِ لَمْ يَكُن شَيْئًا مَّذْكُورًا

ترجمہ تیسیر القرآن - مولانا عبدالرحمن کیلانی صاحب

کیا انسان پر لامتناہی زمانہ [١] سے ایک وقت ایسا بھی آیا ہے جب کوئی قابل ذکر چیز نہ تھا ؟

تفسیر ثنائی - ثنا اللہ امرتسری

انسان کی ہدایت کے لئے یہ کافی ہے کہ وہ صرف اپنی ہستی پر غور کرے اور سوچے کہ اس پر ایک وقت ضرور آچکا ہے کہ وہ کچھ نہ تھا‘ جس کی عمر اس وقت بیس سال کی ہے وہ بیس سال پہلے کچھ نہ تھا جس کی عمر اس وقت تیس سال ہے وہ تیس سے پہلے کچھ نہ تھا