سورة الجن - آیت 12

وَأَنَّا ظَنَنَّا أَن لَّن نُّعْجِزَ اللَّهَ فِي الْأَرْضِ وَلَن نُّعْجِزَهُ هَرَبًا

ترجمہ تیسیر القرآن - مولانا عبدالرحمن کیلانی صاحب

اور یہ کہ : ہمیں اس بات کا یقین ہوچکا ہے کہ ہم نہ تو اللہ کو زمین میں (چھپ کر) عاجز کرسکتے ہیں [٩] اور نہ ہی بھاگ کر اسے ہرا سکتے ہیں

تفسیر ثنائی - ثنا اللہ امرتسری

اور اب ہم یہ سمجھ چکے ہیں کہ ہم اللہ کو اس کی زمین میں عاجز نہیں کرسکتے اور نہ بھاگ کر یا گم ہو کر ہم اسے عاجز کرسکتے ہیں یعنی یہ نہیں ہوسکتا کہ وہ ہم کو فنا کرنا چاہے تو ہم اس سے بھاگ کر کہیں پناہ لے سکیں یا بعد فنا کے دوبارہ پیدا کرنا چاہے تو ہم پیدا نہ ہوسکیں۔ ہرگز نہیں بلکہ یہ سب کام اس کے ایک لفظ کن کے ماتحت ہیں یہ سب کچھ ہم نے قرآن سے سیکھا ہے