فَاتَّقُوا اللَّهَ مَا اسْتَطَعْتُمْ وَاسْمَعُوا وَأَطِيعُوا وَأَنفِقُوا خَيْرًا لِّأَنفُسِكُمْ ۗ وَمَن يُوقَ شُحَّ نَفْسِهِ فَأُولَٰئِكَ هُمُ الْمُفْلِحُونَ
لہٰذا جہاں تک ہوسکے اللہ سے ڈرتے [٢٤] رہو اور سنو اور اطاعت کرو اور (اپنے مال) خرچ کرو۔ یہ تمہارے ہی لیے بہتر ہے اور جو شخص اپنے نفس [٢٥] کی حرص سے بچا لیا گیا تو ایسے ہی لوگ کامیاب ہیں۔
پس تم ایماندار لوگ اولاد اور ازواج سے نہ ڈرو بلکہ جتنا ڈر سکتے ہو اللہ سے ڈرا کرو اور الٰہی احکام دل سے سنا کرو۔ اور اللہ و رسول کی اطاعت کیا کرو اور حلال کمائی کا پاک مال اللہ کی راہ میں خرچ کیا کرو اپنے لئے کار خیر مال سے علم سے عزت ووجاہت سے مخلوق اللہ کو فائدہ پہنچایا کرو۔ اس میں شک نہیں کہ انسان کی عادت میں بخل ہے اور اللہ کے ہاں یہ قاعدہ ہے کہ جو لوگ اپنے نفس کے بخل سے بچ جائیں۔ یعنی بخل ان کا ان کی فیض رسانی پر غالب نہ آئے بلکہ فیاضی ان کے بخل پر غالب رہے تو وہی لوگ نجات کے حقدار ہیں