سورة التغابن

يَعْلَمُ مَا فِي السَّمَاوَاتِ وَالْأَرْضِ وَيَعْلَمُ مَا تُسِرُّونَ وَمَا تُعْلِنُونَ ۚ وَاللَّهُ عَلِيمٌ بِذَاتِ الصُّدُورِ

وہ جانتا ہے جو کچھ آسمانوں اور زمین میں ہے اور جو تم چھپاتے ہو اور جو ظاہر [٩] کرتے ہو۔ اور اللہ تو دلوں کے راز تک جاننے والا ہے۔

یہ تو اس کی قدرت کا ذکر ہے علم اس کا اتنا وسیع ہے کہ جو کچھ آسمانوں اور زمینوں پر یا ان کے اندر ہے وہ اللہ سب کو جانتا ہے کوئی چیز اس سے چھپی نہیں اور جو کچھ تم چھپ کر کرتے ہو اور جو ظاہر کرتے ہو وہ بھی جانتا ہے اور سنو ! کہ اللہ سینوں کے بھیدوں سے بھی واقف ہے ایسے عالم الغیب قادر قیوم اللہ سے بگاڑ کر تم کہاں پناہ لے سکتے ہو۔