سورة الممتحنة - آیت 7

عَسَى اللَّهُ أَن يَجْعَلَ بَيْنَكُمْ وَبَيْنَ الَّذِينَ عَادَيْتُم مِّنْهُم مَّوَدَّةً ۚ وَاللَّهُ قَدِيرٌ ۚ وَاللَّهُ غَفُورٌ رَّحِيمٌ

ترجمہ تیسیر القرآن - مولانا عبدالرحمن کیلانی صاحب

کچھ بعید نہیں کہ اللہ تمہارے اور ان لوگوں کے درمیان دوستی پیدا کر دے [١٦] جن سے تم عداوت رکھتے ہو۔ اور اللہ بڑی قدرتوں والا ہے، اور وہ بہت بخشنے والا [١٧] ہے رحم کرنے والا ہے

تفسیر ثنائی - ثنا اللہ امرتسری

سنو ! تمہیں اپنے مخالفوں کی پروا نہ کرنی چاہیے قریب ہے کہ اللہ تم میں اور تمہارے بعض سخت دشمنوں میں محبت پیدا کر دے گا یعنی ان کو اسلام سے بہرہ ور کر دے گا تو وہ خود بخود تم سے محبت کریں گے اور یقین کرو کہ اللہ بڑی قدرت والا بڑا بخشنہار مہربان ہے