سورة الحشر - آیت 1

سَبَّحَ لِلَّهِ مَا فِي السَّمَاوَاتِ وَمَا فِي الْأَرْضِ ۖ وَهُوَ الْعَزِيزُ الْحَكِيمُ

ترجمہ تیسیر القرآن - مولانا عبدالرحمن کیلانی صاحب

آسمانوں اور زمین میں موجود تمام مخلوق اللہ کی تسبیح کر رہی ہے اور وہی غالب ہے، حکمت والا ہے

تفسیر ثنائی - ثنا اللہ امرتسری

سنو جی ! جتنی مخلوقات آسمانوں میں اور جتنی چیزیں زمینوں پر ہیں سب اللہ کی پاکی اور تقدس بیان کرتی ہیں بعض بزبان قال اور بعض بزبان حال کیونکہ وہ ان سب کا خالق ہے اور وہی سب پر غالب اور حکمت والا ہے