سورة القمر - آیت 6

فَتَوَلَّ عَنْهُمْ ۘ يَوْمَ يَدْعُ الدَّاعِ إِلَىٰ شَيْءٍ نُّكُرٍ

ترجمہ تیسیر القرآن - مولانا عبدالرحمن کیلانی صاحب

لہٰذا آپ ان کی پروا [٦] نہ کیجئے۔ جس دن پکارنے والا ایک ناگوار [٧] چیز کی طرف پکارے گا۔

تفسیر ثنائی - ثنا اللہ امرتسری

پھر بھی یہ ڈرائونے واقعات ان لوگوں کو فائدہ نہیں دیتے۔ کیونکہ یہ لوگ ان سے فائدہ لینے کی طرف رخ نہیں کرتے پس تو بھی ان سے رو گردانی کر۔ ان کی کسی بات کا دل پر اثر قبول نہ کر ہاں ان کو اس دن کا ذکر سنا دے جس روز اللہ کے حکم سے بلانے والا ایک ناپسندیدہ امر یعنی فیصلہ اعمال کی طرف بلائیگا جس کا نتیجہ ان کو اپنے حق میں برا معلوم ہوگا۔