سورة الفرقان - آیت 47

وَهُوَ الَّذِي جَعَلَ لَكُمُ اللَّيْلَ لِبَاسًا وَالنَّوْمَ سُبَاتًا وَجَعَلَ النَّهَارَ نُشُورًا

ترجمہ تیسیرالقرآن - مولانا عبد الرحمن کیلانی

اور وہی تو ہے جس نے تمہارے لیے رات کو لباس، نیند کو آرام اور دن [٥٩] کو جی اٹھنے کا وقت بنایا ہے۔

تفسیر ثنائی - ثنا اللہ امرتسری

اور سنو ! اللہ وہ ذات بابرکات ہے جس نے تمہارے لئے رات کو پردہ پوش لباس اور نیند کو تمہارے لئے آرام اور دن کو چلنے پھرنے اور کام کاج کے لئے بنایا تاکہ تم اس کی روشنی میں چلو پھرو