سورة الغاشية

هَلْ أَتَاكَ حَدِيثُ الْغَاشِيَةِ

کیا آپ کو چھا جانے [١] والی (آفت) کی خبر پہنچی؟

اللہ تبارک وتعالیٰ قیامت کے احوال اور اس کی مصیبت خیز ہولناکیوں کا ذکر کرتا ہے کہ قیامت تمام مخلوق کو اپنی سختیوں سے ڈھانپ لے گی، لوگوں کو ان کے اعمال کی جزا وسزا دی جائے گی ، لوگ الگ الگ دو گروہوں میں بٹ جائیں گے، ایک گروہ جنت میں جائے گا اور دوسرا گروہ جہنم کو سدھارے گا ۔ پس اللہ تعالیٰ نے دوگروہوں کے وصف سے آگاہ فرمایا۔