سورة النبأ - آیت 30

فَذُوقُوا فَلَن نَّزِيدَكُمْ إِلَّا عَذَابًا

ترجمہ تیسیر القرآن - مولانا عبدالرحمن کیلانی صاحب

(اور انہیں کہا جائے گا) اب مزا چکھو، ہم تمہارے لیے عذاب کے سوا کسی چیز [١٩] میں اضافہ نہ کریں گے

تفسیر السعدی - عبدالرحمٰن بن ناصر السعدی

﴿فَذُوْقُوْا﴾ ” پس چکھو۔“ اس دردناک عذاب اور دائمی رسوائی کو اے جھٹلانے والو! ﴿فَلَنْ نَّزِیْدَکُمْ اِلَّا عَذَابًا﴾ ” ہم تم پر عذاب ہی بڑھاتے جائیں گے ۔“ پس ہرآن اور ہر وقت ان کا عذاب بڑھتا رہے گا ۔اہل جہنم کے عذاب کی شدت کے بارے میں یہ سخت ترین آیت ہے ۔ اللہ تعالیٰ ہمیں جہنم سے بچائے۔