سورة الرحمن

الشَّمْسُ وَالْقَمَرُ بِحُسْبَانٍ

سورج اور چاند ایک مقررہ حساب سے چل [٤] رہے ہیں۔

﴿اَلشَّمْسُ وَالْقَمَرُ بِحُسْـبَانٍ﴾ ’’سورج اور چاند ایک حساب سے چلتے ہیں۔‘‘ یعنی اللہ تعالیٰ نے سورج اور چاند کو پیدا کیا، ان کو مسخر کیا جو بندوں پر رحمت اور ان کے ساتھ عنایت کے طور پر ایک متعین حساب اور مقرر انداز سے چل رہے ہیں نیز اس لیے کہ اللہ ان کے ذریعے سے بندوں کے مصالح کا انتظام کرتا ہے تاکہ بندے ماہ وسال کی گنتی اور حساب کی معرفت حاصل کرلیں۔