سورة الزمر - آیت 31

ثُمَّ إِنَّكُمْ يَوْمَ الْقِيَامَةِ عِندَ رَبِّكُمْ تَخْتَصِمُونَ

ترجمہ تیسیر القرآن - مولانا عبدالرحمن کیلانی صاحب

پھر قیامت کے دن تم اپنے پروردگار کے ہاں اپنا اپنا [٤٧] مقدمہ پیش کرو گے۔

تفسیر السعدی - عبدالرحمٰن بن ناصر السعدی

﴿ثُمَّ إِنَّكُمْ يَوْمَ الْقِيَامَةِ عِندَ رَبِّكُمْ تَخْتَصِمُونَ﴾ یعنی قیامت کے روز ان امور کے بارے میں تم اپنے رب کے پاس جھگڑو گے جو تمہارے درمیان متنازع ہیں۔ پھر اللہ تعالیٰ اپنے عدل و انصاف پر مبنی حکم کے ذریعے سے تمہارے درمیان فیصلہ کر دے گا اور ہر ایک کو اس کے عمل کی جزا دے گا۔ ﴿أَحْصَاهُ اللّٰـهُ وَنَسُوهُ﴾ (المجادلة :58؍6)” جسے اللہ تعالیٰ نے شمار کر رکھا ہے اور یہ لوگ اسے بھلا بیٹھے ہیں۔ “