سورة الصافات

فَأَرَادُوا بِهِ كَيْدًا فَجَعَلْنَاهُمُ الْأَسْفَلِينَ

انہوں نے تو ابراہیم کے خلاف [٥٣] تدبیر کی تھی۔ مگر ہم نے انہیں ہی نیچا دکھا دیا۔

﴿فَأَرَادُوا بِهِ كَيْدًا﴾ انہوں نے حضرت ابراہیم علیہ السلام کو بدترین طریقے سے قتل کرنے کا منصوبہ بنایا ﴿فَجَعَلْنَاهُمُ الْأَسْفَلِينَ ﴾ ” تو ہم نے انھی کو نیچا دکھا دیا۔“ اللہ تعالیٰ نے ان کی سازش کو ناکام بنا دیا اور آگ کو حضرت ابراہیم کے لئے سلامتی کے ساتھ ٹھنڈا کردیا۔