سورة يس - آیت 62

وَلَقَدْ أَضَلَّ مِنكُمْ جِبِلًّا كَثِيرًا ۖ أَفَلَمْ تَكُونُوا تَعْقِلُونَ

ترجمہ تیسیر القرآن - مولانا عبدالرحمن کیلانی صاحب

وہ تو تم میں سے ایک گروہ کثیر کو گمراہ [٥٧] کرچکا ہے کیا تم سوچتے نہیں؟

تفسیر السعدی - عبدالرحمٰن بن ناصر السعدی

تم نے میرے عہد کی حفاظت کی نہ میری وصیت پر عمل کیا، بلکہ تم نے اپنے دشمن یعنی شیطان سے دوستی رکھی، لہٰذا ﴿ أَضَلَّ مِنكُمْ جِبِلًّا كَثِيرًا﴾ اس نے تم میں سے بہت زیادہ مخلوق کو گمراہ کیا ﴿أَفَلَمْ تَكُونُوا تَعْقِلُونَ﴾ یعنی کیا تم میں عقل نہیں جو تمہیں تمہارے رب اور حقیقی سرپرست کے ساتھ موالات رکھنے کا حکم دے اور تمہیں تمہارے بدترین دشمن کو اپنا دوست اور سرپرست بنانے سے روکے۔ اگر تمہاری عقل صحیح ہوتی تو تم ہرگز ایسا نہ کرتے۔