سورة يس - آیت 61

وَأَنِ اعْبُدُونِي ۚ هَٰذَا صِرَاطٌ مُّسْتَقِيمٌ

اور میری ہی عبادت [٥٦] کرنا۔ یہی سیدھا راستہ ہے

﴿وَ﴾ ” اور“ میں نے تمہیں حکم دیا تھا : ﴿أَنِ اعْبُدُونِي﴾ کہ میرے اوامر کی تعمیل کرتے اور میری نافرمانی سے بچتے ہوئے میری عبادت کرو ﴿هَـٰذَا﴾ یعنی میری عبادت، میری اطاعت اور شیطانی کی نافرمانی کرنا ﴿ صِرَاطٌ مُّسْتَقِيمٌ﴾ ” سیدھا راستہ ہے۔“ پس صراط مستقیم کے علوم و اعمال انھی مذکورہ و امور کی طرف راجع ہیں۔