سورة لقمان

نُمَتِّعُهُمْ قَلِيلًا ثُمَّ نَضْطَرُّهُمْ إِلَىٰ عَذَابٍ غَلِيظٍ

ہم انھیں تھوڑی مدت مزے کرلینے کا موقعہ دے رہے ہیں پھر انھیں بے بس کر کے سخت عذاب کی طرف کھینچ لائیں گے

﴿ نُمَتِّعُهُمْ قَلِيلًا﴾ ” ہم انہیں تھوڑا سا فائدہ اٹھانے کی مہلت دیتے ہیں“ اس دنیا میں تاکہ وہ اپنے گناہوں میں اضافہ کرلیں اور یوں ان کے عذاب میں اضافہ ہوجائے۔ ﴿ ثُمَّ نَضْطَرُّهُمْ ﴾ ” پھر ہم انہیں جبرا کھینچ لائیں گے“ ﴿ إِلَىٰ عَذَابٍ غَلِيظٍ ﴾ ” ایک سخت عذاب کی طرف۔“ یعنی وہ عذاب اپنی سختی، بہت بڑا ہونے، اپنی قباحت، اپنی الم ناکی اور اپنی شدت میں انتہا کو پہنچا ہوا ہے۔