سورة القصص

وَجَعَلْنَاهُمْ أَئِمَّةً يَدْعُونَ إِلَى النَّارِ ۖ وَيَوْمَ الْقِيَامَةِ لَا يُنصَرُونَ

نیز ہم نے انھیں جہنم کی طرف دعوت دینے والے سرغنے بنا دیا [٥٣] اور قیامت کے دن انھیں کہیں سے مدد نہ [٥٤] مل سکے گی۔

﴿وَجَعَلْنَاهُمْ أَئِمَّةً يَدْعُونَ إِلَى النَّارِ﴾ ” نیز ہم نے انہیں جہنم کی طرف دعوت دینے والے سرغنے بنادیا“ یعنی ہم نے فرعون اور اس کے سرداروں کو ایسے راہنما بنایا جن کی پیروی کا انجام جہنم کی رسوائی اور بدبختی ہے۔ ﴿وَيَوْمَ الْقِيَامَةِ لَا يُنصَرُونَ﴾ اور قیامت کے دن اللہ تعالیٰ کے عذاب سے بچانے کے لئے ان کی مدد نہیں کی جاسکے گی، وہ کمزور ترین لوگ ہوں گے، اپنے آپ سے عذاب کو دور نہ کرسکیں گے اور اللہ تعالیٰ کے سوا ان کا کوئی والی اور مددگار نہ ہوگا۔