سورة المؤمنون - آیت 111

إِنِّي جَزَيْتُهُمُ الْيَوْمَ بِمَا صَبَرُوا أَنَّهُمْ هُمُ الْفَائِزُونَ

ترجمہ تیسیر القرآن - مولانا عبدالرحمن کیلانی صاحب

آج میں نے انھیں ان کے صبر کا بدلہ [١٠٤] دے دیا ہے۔ بلاشبہ وہی کامیاب رہے ہیں''

تفسیر السعدی - عبدالرحمٰن بن ناصر السعدی

﴿ إِنِّي جَزَيْتُهُمُ الْيَوْمَ بِمَا صَبَرُوا ﴾ میں نے آج ان کو اپنی اطاعت کرنے اور تمہاری اذیتوں کو برداشت کرنے کا بدلہ دیا ہے، حتیٰ کہ وہ مجھ تک پہنچ گئے۔ ﴿ أَنَّهُمْ هُمُ الْفَائِزُونَ ﴾ ” بے شک وہی لوگ کامیاب ہیں۔“ یعنی دائمی نعمتیں اور جہنم سے چھٹکارا پاکر کامیاب ہوئے، جیسا کہ اللہ تعالیٰ ایک اور آیت کریمہ میں فرماتا ہے : ﴿ فَالْيَوْمَ الَّذِينَ آمَنُوا مِنَ الْكُفَّارِ يَضْحَكُونَ ﴾ (المطففین :83؍34)” آج وہ لوگ جو ایمان لائے ہیں کافروں پر ہنسیں گے۔ “