سورة القارعة - آیت 5

وَتَكُونُ الْجِبَالُ كَالْعِهْنِ الْمَنفُوشِ

ترجمہ تیسیر القرآن - مولانا عبدالرحمن کیلانی صاحب

اور پہاڑ ایسے جیسے مختلف رنگوں [٤] کی دھنکی ہوئی اون

تفسیر احسن البیان - حافظ صلاح الدین یوسف رحمہ اللہ

1- عِهْنٌ اس اون کو کہتے ہیں جو مختلف رنگوں کے ساتھ رنگی ہوئی ہو، مَنْفُوشٌ، دھنی ہوئی۔ یہ پہاڑوں کی وہ کیفیت بیان کی گئی ہے جو قیامت والے دن ان کی ہوگی۔ قرآن کریم میں پہاڑوں کی یہ کیفیت مختلف انداز میں بیان کی گئی ہے، جس کی تفصیل پہلے گزرچکی ہے۔ اب آگے ان دو فریقوں کا اجمالی ذکر کیا جا رہا ہے جو قیامت والے دن اعمال کے اعتبار سے ہوں گے۔