سورة الجن - آیت 23

إِلَّا بَلَاغًا مِّنَ اللَّهِ وَرِسَالَاتِهِ ۚ وَمَن يَعْصِ اللَّهَ وَرَسُولَهُ فَإِنَّ لَهُ نَارَ جَهَنَّمَ خَالِدِينَ فِيهَا أَبَدًا

ترجمہ تیسیرالقرآن - مولانا عبد الرحمن کیلانی

میں تو صرف یہ کرسکتا ہوں کہ اللہ کا حکم اور اس کے پیغام (لوگوں تک) پہنچا دوں۔ اور جو شخص اللہ اور اس کے رسول کی نافرمانی کرے گا تو اس کے لیے [٢١] جہنم کی آگ ہے اور ایسے لوگ اس میں ہمیشہ رہیں گے

تفسیر مکہ - حافظ صلاح الدین یوسف حافظ

* یہ ﴿لا أَمْلكُ لَكُمْ﴾ سے مستثنیٰ ہے یہ بھی ممکن ہے کہ لن یجیرنی سے مستثنیٰ ہو 'یعنی اللہ سے کوئی چیز بچا سکتی ہے تو وہ یہی ہے کہ تبلیغ رسالت کا وہ فریضہ بجا لاؤں جس کی ادائیگی اللہ نے مجھ پر واجب کی ہے ۔ رسالتہٖ کا عطف اللہ پر ہے یا بلاغا پر یا پھر عبارت اس طرح ہے۔ (إِلا أَنْ أُبَلِّغَ عَنِ اللهِ وَأَعْمَلَ بِرَسَالَتِهِ )۔ (فتح القدیر)